شعبہ درس نظامی کیلئے تمام درجات میں قدیم و جدید داخلہ ماہِ شوال کے پہلے ہفتہ سے شروع ہوتے ہیں ۔ اور داخلے کی کاروائی دارالعلوم کے شعبہ ،دفتر تعلیمات میں ہوتی ہے۔

جامعہ دارالعلوم کراچی کے لیے امدادی رقم درج ذیل پتہ پر بھیجی جا سکتی ہیں، جس کی رسید وصولیابی کے فوراً بعد روانہ کر دی جاتی ہے۔ اگر کوئی رقم زکوٰۃ صدقہ جاریہ یا کسی اور خاص مد کی بھیجی جائے تو اس کی صراحت فرمادی جائے، ایسی مدات کو جامعہ دارالعلوم کراچی میں علیحدہ رکھنے اور ان کے خاص مصرف پر خرچ کرنے کا پورا اہتمام کیا جاتا ہے۔

دارالعلوم میں انتظامی امور کی انجام دہی کے لیے دفاتر و شعبہ جات قائم ہیں۔ دارالعلوم کا وسیع انتظامی نظام اس وقت تقریباً پندرہ شعبہ جات اور دفاتر پر مشتمل ہے۔ ہر ایک شعبہ کا وسیع دائرہٴ عمل ہے اور بعض شعبہ جات تو اپنی وسعتِ کار کے لحاظ سے مستقل ادارہ کے حیثیت رکھتے ہیں۔ ہر شعبہ میں داخلی امور کی نگرانی اور انجام دہی کے لیے ناظم، نگراں یا ذمہ دار وغیرہ ہوتے ہیں جو اپنے اختیارات کے دائرے میں رہ کر دفتر اہتمام کی نگرانی میں مفوضہ امور انجام دیتے ہیں۔